Eu en ti

 

Eu xa te busquei

cando o mundo era unha pedra

intaita*.

Cando as cousas buscaban os seus

nomes,

eu xa te buscaba.

Eu xa te procurei

no comezo dos mares e das chairas.

Cando Dios* procuraba compaña

eu xa te procuraba.

Eu xa te chamei

cando soio a voz do vento soaba.

Cando o silenzo* chamaba polas

verbas,

eu xa te chamaba.

Eu xa te namorei

cando o amor era unha folla branca.

Cando a lúa namoraba as outas*

cumes,

eu xa te namoraba.

Sempre,

dende a neve dos tempos,

eu, na túa ialma*.

Un poema de Celso Emilio Ferreiro